BINTI ALIYEACHWA NA MZEE MAJUTO AKIMBILIA BAKWATA KUMSHITAKI MZEE MAJUTO...

        

                SIKU chache baada ya ndoa ya supastaa wa vichekesho Bongo, Amir Athuman ‘Mzee Majuto’ kuvunjika, mke aliyeachika amekimbilia Baraza Kuu la Waislam Tanzania (Bakwata) kutoa malalamiko yake.

Rehema Omar (20) ndiye mke aliyeachwa na Mzee Majuto, Septemba 14, 2013 alikimbilia Makao Makuu ya Bakwata Wilaya ya Kinondoni yaliyopo Hananasif, Dar es Salaam.
Kwa mujibu wa msichana huyo, mambo aliyoyazungumza kwenye ofisi hiyo ni matatu, kwanza kutopewa talaka baada ya kuachika.
Akasema akimuuliza Mzee Majuto kuhusu talaka yake anamwambia amempa mwanamke mmoja aitwaye Rehema amfikishie, akahoji:  “Kwani huyo Rehema ndiye aliyenioa?”
Pili, akasema wakati anakaribia kufunga ndoa, mzee huyo alimwachisha kazi mahali na pia alimhamisha kwenye chumba alichopanga.
Tatu, akasema kutokana na hayo yote anaomba alipwe fidia ya fedha kwa sababu ya usumbufu alioupata.
Rehema akasema kutokana na malalamiko yake, viongozi wa Bakwata walimpa barua ya kumfikishia Mzee Majuto yenye kichwa cha habari cha WITO.
Mzee Majuto anatakiwa kufika bila kukosa kwenye ofisi hizo, Septemba 23, mwaka huu ambayo itakuwa Jumatatu ili shauri lake na mwanamke huyo lizungumzwe.
Juzi, tulimpigia simu Mzee Majuto lakini muda wote iliita bila kupokelewa.
 Kwenye utetezi wake, mzee huyo alisema alimwacha mwanamke huyo baada ya kugundua hajatulia

LULU AMPONZA RICHIE!

             KUFUATIA kitendo cha galacha wa sinema za nyumbani, Single Mtambalike ‘Richie’ kumtunza fedha nyingi msanii mwenzake Elizabeth Michael ‘Lulu’ hivi karibuni, warembo wengi wa mjini wamekuwa wakimsumbua wakitaka kuzichuma.
Akizungumza na paparazi wetu Jumanne ya wiki iliyopita, Kinondoni Makaburini, jijini Dar, Richie alikiri kupokea simu nyingi za kina dada tangu siku ile ya uzinduzi wa filamu ya Lulu, Foolish Age uliofanyika katika Ukumbi wa Mlimani City wakimuomba urafiki wa kawaida kumbe wana yao moyoni.
“Duh! Umeipata! Ni kweli kabisa simu ni nyingi siku ile tulikutana na mashabiki wetu wengi sana, wakachukua namba lakini kumbe wengi wao lengo lilikuwa ni kutaka mkwanja, daah Napata usumbufu kweli kwa kupigiwa simu kila dakika,” alisema Richie.

HAWA NDO MASTAA WA KIKE BONGO WANAOJIHESHIMU

BAADHI ya watu kwenye jamii wamezoea kusikia au kuona wasanii kibao wakifanya mambo ya ajabu na kuwa na skendo za hapa na pale kama kupigana, mapenzi na kuzungumza mambo yasiyofaa lakini leo tunakuletea listi ya mastaa wanaojiheshimu kwa hapa Bongo...

 

SALOME NDUMBAGWE MISAYO ‘THEA’

 Ni staa wa kitambo wa filamu za Kibongo. Ni mke wa ndoa wa mwigizaji Michael Sangu ‘Mike’. Thea amekuwa ni mfano wa kuigwa na kila msanii anayetaka au anayeingia kwenye tasnia ya filamu na jamii kwa jumla. Thea siyo mtu wa skendo kama walivyo wasanii wengine wa kike Bongo.Amedumu kwenye sanaa kwa muda mrefu akianzia Kundi la Sanaa la Kaole wakati wa michezo ya runingani leo, leo amefikia hatua ya kucheza filamu zake mwenyewe japokuwa kumekuwa na malalamiko haonekani sana kama zamani.
 SUZAN LEWIS ‘NATASHA’Ni mkongwe wa maigizo ambaye ni mama wa mtoto mmoja. Natasha ni msanii mwenye heshima tele kwenye tasnia ya filamu Bongo ambapo hivi karibuni aliingia kwenye ndoa ya uzeeni kwani alikuwa hajaolewa hivyo kuamua kutimiza agizo la Mungu alilowapa wanadamu. Natasha hajawahi kuripotiwa na skendo yoyote kama baadhi ya wasanii walivyozoeleka kuwa kila siku ni watu wa matukio ya ajabu.
 ILLUMINATHA POSHI ‘DOTNATA’ Dotnata ni staa wa maigizo, muziki na ni mjasiriamali. Ni mama asiyekuwa na skendo na hivi sasa ameokoka na amekuwa akiwashauri wasanii mbalimbali wabadilike lakini jitihada hizo zimekuwa zikigonga mwamba kutokana na wengi wao kutosikiliza ushauri wake.Wengine humsikiliza na kumwambia asubiri kwanza wamalize starehe zao.

WASTARA JUMA Ni mwigizaji ambaye ni mke wa aliyekuwa msanii wa filamu za Kibongo, marehemu Juma Kilowoko ‘Sajuki’. Wastara amekuwa ni mfano wa kuigwa na wanawake wote ulimwenguni na siyo wa filamu pekee.Wastara ni mchapakazi, hana muda wa kukaa na kufanya mambo yasiyofaa kama kuendekeza wanaume, majungu na kupigana kama ilivyo kwa wengine.
  
RIYAMA ALLYMwanadada wa filamu za Kibongo anajiheshimu na amejaliwa kuwa na mtoto mmoja wa kike. Hajawahi kuripotiwa na skendo. Mara nyingi yupo bize na kazi zake na huwezi kukutana naye kwenye kumbi za starehe usiku au katika makundi yasiyofaa.Kwenye filamu Riyama anakubalika kutokana na uigizaji wake wa kiuhalisia zaidi.

YVONE-CHERRY NGATIKWA ‘MONALISA’ Huyu ni mtoto wa Natasha ambaye kafuata nyayo za mama yake katika tasnia ya filamu Bongo. Monalisa ni mama wa watoto wawili. Hana skendo na anajiheshimu na kujielewa yeye ni nani katika jamii.

MKANDA MZIMA JOHARI NA CHUCHU HANS WALIPOZIPIGA

Vincent Kigosi ‘Ray'

KIMENUKA! Waigizaji wenye majina makubwa Bongo, Blandina Chagula ‘Johari’ na Chuchu Hans wanadaiwa kuchapana kisa kikidaiwa kuwa ni penzi la mwigizaji ‘kaka mkubwa’, Vincent Kigosi ‘Ray’, Amani limenyetishiwa mkanda kamili.

Blandina Chagula ‘Johari’

TUHUMA
Kwa mujibu wa chanzo chetu makini ambacho ni rafiki wa karibu wa wasanii hao, tukio hilo lilijiri mwishoni mwa wiki iliyopita ndani ya Ofisi za RJ Productions, zinazomilikiwa kwa ubia wa Ray na Johari zilizopo Sinza-Mori jijini Dar ambapo Johari alikuwa akimtuhumu Chuchu mambo mazito ya kimapenzi kwa Ray.
Shushushu huyo alitonya kuwa, siku ya tukio Johari na wasanii wenzake walikuwa wakirekodi filamu ndani ya hoteli moja (jina tunalo) iliyopo jirani na ofisi hizo ndipo alipofikishiwa umbeya kuwa Chuchu yuko kwenye ofisi hizo ‘akijiachia’ na bosi mwenzake (Ray), jambo lililotia ganzi moyoni mwa mdada huyo.

                                         Chuchu Hans.
MCHEZO MZIMA
‘Kikulacho’ huyo aliendelea kudai kuwa baada ya Johari kupata habari hizo, bila kujiuliza wala kuvuta subira, ‘alisaga soli’ hadi maeneo hayo.
“Alipofika aliingia ndani moja kwa moja na kumvamia Chuchu huku akimshushia kipigo chenye ujazo,” kilidai chanzo hicho.
Alidai kuwa katika timbwili hilo, Chuchu naye alifurukuta ndipo wakazichapa laivu kabla ya Ray aliyekuwa nje kusikia na kuwahi kuokoa jahazi.
“Unajua kilichomshtua Ray ni kilio cha Chuchu aliyekuwa akiomba msaada baada ya kuzidiwa na Johari,” kilidai.
Chanzo kilidai kuwa aliingia ndani akiwa amefura na kufoka lakini alikuwa ameshachelewa kwani tayari Johari alikuwa ameshaugeuza bucha mwili wa Chuchu.
Ilidaiwa kuwa baadaye Ray alimtoa nje Johari akimtaka kuwa mbali na Chuchu.

SINEMA YA BURE
“Ilikuwa ni bonge la soo, watu walijaa sana, baadaye Ray alimtoa Johari nje huku akimfokea.
“Unaambiwa Johari alikuwa akikimbia na Ray kumfukuza, jambo lililovutia watazamaji wa sinema hiyo ya bure,” alisema mpashaji wetu.

JOHARI, CHUCHU WASAKWA
Baada ya kuzinyaka taarifa hizo, gazeti hili liliwasaka Johari na Chuchu kwa nyakati tofauti.

JOHARI AKIRI
Kwa upande wake Johari alikiri kutokea kwa kasheshe hiyo.
“Ni kweli lakini nani amekuambia? Unajua kilichoniudhi mimi ni maneno machafu ya huyu dada (Chuchu) anavyotamba kwa watu kuwa amenipokonya mume, wakati hakuna ukweli juu ya hilo, nilishikwa na hasira sana ndiyo maana nikaamua kumpa somo kidogo.
“Inaniuma kwa sababu mimi na Ray tumetoka mbali sana hadi kuisimamisha RJ. Tulikuwa hatuna kitu kabisa tukaungaunga huku na kule hivyo Chuchu anapaswa kutambua hilo. Asitake kunikumbusha vitu vingi kwa sababu tuliteseka sana,” alisema Johari kwa uchungu.

VIPI BADO ANAKWENDA RJ?
“Tangu ile ishu itokee sijaenda RJ kwa sababu Ray alinifukuza eti kisa Chuchu. Usiniulize muafaka wa hili jambo kwa sababu hadi sasa sina majibu ya moja kwa moja kuna vitu naviweka vizuri,” alisema mwanadada huyo.

HUYU HAPA CHUCHU
Kwa upande wake Chuchu aliruka kimanga kuwa hakuna ishu kama hiyo.
“Aaah, jamani sina cha kusema juu ya hilo, nikiwa tayari nitawaambia.
“Kinachonishangaza kila Johari na Ray wakigombana huwa natajwa mimi. Yaani sijui hata haya mambo yanatokea wapi,” alisema Chuchu.

RAY
Gazeti hili lilipomtafuta Ray kutaka kujua ukweli wa ishu hiyo, bila kujibu ndiyo au hapana, alimjia juu mwandishi:
“Sikia Brighton (mwandishi), hili jina nimelitafuta kwa miaka mingi. Nakuomba usiandike habari hiyo, sielewi chochote.
“Ugomvi wao siujui na wakigombana waache kunitaja, waeleze sababu zao za kugombana siyo kunitajataja mimi,” alisema Ray na hata alipoulizwa uhusiano wake na wanawake hao aliishia kujiumauma bila kutoa majibu ya kueleweka.

HALI NI MBAYA
Habari za kina zilidai kuwa hali ni mbaya kati ya mastaa hao ambapo mashabiki wao waliozungumza na gazeti waliiomba Kamati ya Nidhamu ya Bongo Movie kuingilia kati ugomvi huo ili kutafuta ufumbuzi.
Source:GPL

WIVU WA MAPENZI WASABABISHA MUMEWE NA SHAMSA FORD ASABABISHE TIMBWILI KINONDONI

 

WIVU wa mapenzi umesababisha mume mtarajiwa wa mwigizaji Shamsa Ford, Dickson Matoke aibue timbwili kwa shabiki mmoja aliyekuwa akimpongeza mwigizaji huyo.
Kwa mujibu wa chanzo makini, tukio hilo lilitokea hivi karibuni katika Mgahawa wa Twiter, Kinondoni jijini Dar wakati mwanaume mmoja ambaye jina lake halikuweza kufahamika mara moja alipomfuata Shamsa kuonesha upendo, ndipo Dickson alipoibua timbwili.
Baada ya kuzinyaka habari hizo, paparazi wetu alimvutia waya Shamsa ambaye inasemekana yupo katika mikakati ya kuoana na Dickson, akafunguka:
“Mmepata wapi hizo stori? Kweli nyie ni noma,  haikuwa ishu kubwa sana, yaliisha jamani,” alisema Shamsa.

AISHA BUI AKANUSHA MADAI YALIYOSAMBAA KWAMBA " YEYE NI PUNDA " ALIYEFUNGWA BRAZIL

HUKU kukiwa na madai kuwa msanii wa filamu Bongo, Aisha Bui amekamatwa na kufungwa nchini Brazil kwa kunaswa na unga, mwanadada huyo ameibuka na kufafanua juu ya tuhuma hizo

 

 

Aisha Bui.

Akizungumza  mwishoni mwa wiki iliyopita kwa njia ya simu kutokea Brazil, Aisha alisema ameshangazwa na madai hayo wakati yeye yuko nchini humo akiwa amemfuata mchumba wake ambaye jina lake hakuwa tayari kulianika.

“Jamani hayo madai ya kwamba nimefungwa huku kwa kesi ya madawa ya kulevya mimi mwenyewe nayashangaa. Niko huku kwa mwezi wa nne sasa, nimekuja kwa mchumba wangu. Hizo taarifa za kwamba eti nimefungwa ni uzushi unaotengenezwa kwa nia ya kunichafua tu. 

“Wakati naondoka Tanzania ilikuwa kimyakimya kwa kuwa nilijua kuna baadhi ya watu watazusha mambo ya kunipaka matope na ndicho walichokifanya.

“Naomba Watanzania wajue niko huru kabisa, naendelea na shughuli zangu kama kawaida. Natarajia kurudi Bongo hivi karibuni,” alisema Aisha.

SOURCE : GPL

IRENE UWOYA AAHIDI KUFICHUA SKENDO KUBWA NA MBAYA ZA ERICK SHIGONGO....

               Lile bifu linalondelea kati ya mwigizaji Irene Uwoya na mmiliki wa kampuni maarufu ya magazeti nchini Erick Shigongo limeshika sura  mpya baada ya mwigizaji huyo kuapa  kuzianika  hadharani  SKENDO  chafu  za  Erick  Shigongo  huku  akitangaza  wazi  kuwa  haogopi  kufa  wala  kumwagiwa  tindikali...

Kupitia ukurasa wake wa mtandao mmoja wa kijamii Irene alitundika  maneno  yafuatayo:

“…Ipo siku ntaongea ukweli kuhusu shigongo na ushaid pia ntatoa...usilo lijua nikama usiku wa giza, ndo maana atawadanganya wasio na akili na wasio mjua....

"Nitapigana nae mpaka tone la mwisho la damu yangu,  ntasema kila kitu kwanin ananichukia na ntaweka kila kitu wazi....Then, wenye akili watajua naongea nini...

"Simuogopi hatakama atanichafua kiasi gan.Hizo kwangu ni matone yamvua bado mvua yenyewe...I don care kwa atakae muamini, but mwisho wa siku ukweli utaonekana na atatamani  ardhi ipasuke......

 mimi Irene Uwoya sijashawishiwa na mtu wala kulazimishwa, naahidi ya kwamba ntaongea  maovu  yake  yote…”

-Kwa hisani yaa bongomovie.

JOHARI NA CHUCHU HANS WANAKUNG'UTANA MANGUMI MCHANA KWEUPEEE, KISA PENZI LA RAY

 

 

 

Wasanii wa filam nchini kwetu Tanzani Johari na Chuchu
Hansi wafumaniana nyumbani kwa msanii mkubwa Ray
sinza dar nchini Tanzania na Johari kumtwanga sana
Chuchu kwanini anakua na mahusiano ya kimapenzi na

mchumba wake basi johari alimjeruhi sana baada ya hapo
msanii tishio la jiji akawa amerudi ndio akaokoa ugomvi huo
lakini chuchu kaumia.

source- zeddylicious