BEEF LA UWOYA NA SHIGONGO..GLOBAL PUBLISHERS WAMCHANA TENA UWOYA.

BINAFSI nafahamu kwamba Irene Uwoya aliwahi kuwa staa mkubwa nchini lakini akafanya makosa na sasa ameshuka chati. Ameporomoka kwa kiasi kikubwa sana.

Elizabeth Michael ‘Lulu’, baada ya ‘ajali’ yake na marehemu Steven Kanumba, alikaa mahabusu kwa zaidi ya mwaka mmoja lakini baada ya kutoka ameonekana kuwa na mafanikio makubwa kuliko Uwoya ambaye siku zote yupo mtaani.
Pengine kuna aina fulani ya maisha ambayo Uwoya amejichagulia maana akina Rose Ndauka, Aunt Ezekiel, Wema Sepetu na wengineo wamekuwa wakifanya vizuri, wanamfunika sana. Ameshindwa kujisahihisha, ataendelea kusugua.
Najua kwamba Uwoya ana hali mbaya kisanii, amechoka, muonekano wake hausisimui tena, amepoteza mashabiki, kwa maana hiyo hauzi. Dili za kucheza filamu zinaota mbawa kila kukicha, maprodyuza wanataka wakali ambao wanafanya biashara sokoni.
Naelewa kuwa hivi sasa katika ulimwengu wa masupastaa, Uwoya amebaki msindikizaji lakini sikuwahi kufikiri kwamba anaweza kufikia hatua mbaya kiasi hicho. Kafikishwa mbaroni kwa wizi wa simu? Yaani wizi wa simu ya mkononi! Anatia huruma.
Yamemfika yapi? Sitaki kuamini kama Uwoya anashindwa kununua simu halali. Akili nyingine inaniambia kuwa hawa dada zetu wanaharibiwa na uchu wa kupenda vitu vya juu lakini uwezo ni mdogo. Je, huo wizi wenyewe alifanyaje?
Atakapofikishwa mahakamani pengine itajulikana kama kweli amehusika na wizi huo, basi itafahamika ameufanyaje. Ni yeye moja kwa moja au kupitia kwa mtu mwingine? Dunia ina mengi, ni vizuri hili jambo likafika kortini, huko tutajua ukweli halisi.
Swali langu ni hili, kama kweli ile simu alinunua kwa nini pale kituoni hakutoa risiti? Hata kama ingekuwa nyumbani, alishindwa nini kuagiza aletewe kuthibitisha kama ni mali yake? Maswali hayo mawili yanaongeza uzani kwenye madai kwamba ile simu ni ya wizi.
Ni ya wizi sawa, je, ni kweli Uwoya anaweza kuiba simu? Inawezekana kabisa akatega Kariakoo halafu amvizie mtu na kumchomolea? Maana mashtaka dhidi yake ni Wizi wa Maungoni, yaani wizi wa kumchomolea mtu kitu kutoka mwilini.
Kesi ipo Msimbazi Polisi na imeandikwa kwenye kitabu cha ripoti za kumbukumbu (report book ‘RB’) kwa nambari MS/RB/8522/2013. Hata hivyo, simu yenyewe iliyoibwa ina thamani kubwa, nahisi Uwoya aliinunua kwa mtu ambaye ndiye mwizi.
Mikono ya Uwoya na vidole vyake vilivyo, haoneshi kama anaweza kuwa mkali wa kuchomolea watu. Hata kama kaishiwa na kupigika, siyo rahisi akafanya hivyo. Sura yake haioneshi ushujaa wa ‘kupiga ndole’ lakini ya Mungu mengi.
Labda kauziwa lakini yeye ndiye kakutwa na mali ya wizi (aliyekutwa na ngozi ndiye aliyeiba ng’ombe). Kama ipo hivyo, hilo nalo ni tatizo kubwa. Maana yake yeye naye ni mmoja wa watu wanaowafanya wezi waendelee kufanya uporaji. Anawafadhili kwa mlango wa nyuma.
Tusimamie hapa kwamba kama alinunua, basi Uwoya ni mfadhili wa wezi kwa sababu mtu anayenunua mali ya wizi, anawasaidia wezi kuendelea kuishi kwa uporaji. Kwa maana hiyo siyo mtu mzuri, hafai kwenye jamii.
Kwa mwenendo huo, naamini ndiyo maana ameporomoka, anakosa sifa ya kuitwa kioo cha jamii. Inawezekanaje awe mfano wa kuigwa ikiwa yeye ni kirusi katika hiyohiyo jamii? Mtu unajua kabisa hii mali ya wizi unainunua kwa bei chee halafu unaona raha.
Kununua mali ya wizi ni hujuma nzito, ni ukosefu wa huruma kwa sababu wakati wewe unauziwa mali hizo kwa bei nafuu sawa na bure, halafu unaitumia kwa nafasi huku ukijionesha, mwenzako anateseka mno.
Fikiria kama wewe umejibana, ukajitutumua kununua simu aina ya iPhone 5 kwa shilingi milioni 1.6. Umeitumia wiki mbili tu unaibiwa, halafu mtu mwingine anakuja kuuziwa kwa shilingi 400,000  au 300,000. Itakuuma kiasi gani?
Bila shaka utamchukia mwizi na yule aliyeuziwa, kwani angekuwa muungwana asingekubali kununua. Laiti angekuwa raia mwema, angesaidia huyo muuzaji akamatwe ili aliyeibiwa arudishiwe mali yake. Kutumia mali ya wizi ni dhuluma, ni wizi.
Uwoya alikamatwa na simu ya wizi aina ya iPhone 5, kwa hiyo kama aliuziwa, na kwa mujibu wa tafsiri ambayo nimeielezea hapo juu ni wazi kwamba yeye siyo raia mwema. Ukweli uzidi kusimama kwamba hafai kuitwa kioo cha jamii.
Je, ni tamaa ya kutaka vitu vizuri wakati pesa hana? Ajioneshe mjini kwamba anamiliki iPhone 5 kumbe ni ya wizi, ameipata kimagumashi. Namshauri Uwoya aache mtindo wa kuishi kimagumashi, kama hana akubali hali halisi. Si kulazimisha maisha ya gharama, matokeo yake ndiyo haya.

ANGEMTII MUMEWE YASINGEMFIKA HAYA
Nikiongoza jopo la waandishi kutoka Global Publishers Ltd, mwaka jana, tulifanikisha kumsuluhisha Uwoya na mumewe, Hamad Ndikumana ‘Kataut’ kutokana na mgogoro wa nguvu ambao ulikuwa unaitikisa ndoa yao. 
Malalamiko ya Kataut yalijikita katika uaminifu, kwamba Uwoya alikuwa anaonesha alama nyingi kuwa si mwaminifu kwenye ndoa yao. Mume huyo, alisema kwamba amenunua vifaa na kuanzisha kampuni ili mkewe ajisimamie katika kazi zake za filamu lakini mke hataki.
“Analipwa pesa kidogo ambayo akifanya shopping tu zinakwisha, maprodyuza wanapata fedha nyingi, yeye anafanya kazi, anauza sura tu lakini pesa hakuna. Nataka atengeneze filamu zake ili apate pesa za kuonekana lakini haelewi wakati kila kitu nimeshanunua,” Kataut alilalamika.
Kataut alikuwa na nia ya dhati kabisa ya kumwokoa Uwoya na pengine kama angefuata mwongozo wa mumewe leo hii asingeporomoka kama alivyo. Pengine yanayomkuta leo ni malipo ya kile ambacho alimtendea mwanamme huyo.
Mke wa mtu kunaswa hotelini na kijana wa Bongo Fleva, Nasibu Abdul ‘Diamond’, ni aibu sana! Kabla ya hapo zilishaibuka stori kwamba amegombana na supastaa Jacqueline Wolper kisa mwanaume. Alimtesa sana Kataut wa watu.
Akiwa yupo ndani ya ndoa, akaingia kwenye mgogoro na boyfriend wake wa zamani, Hamis Ramadhan Baba ‘H-Baba’, akadai eti katika wanaume wake wote waliopita, ambaye hawezi kurudiana naye ni H-Baba. Huyu ni mke wa mtu.
Tafsiri; kumbe pamoja na kuwa kwenye ndoa, anaweza kurudiana na wanaume wake wote waliotangulia isipokuwa tu H-Baba. Je, unamuonaje huyo? Ni mke wa mtu kweli? 
Mke wa H-Baba, Flora Mvungi naye akamvaa Uwoya, akamchamba, wakachambana. Mke wa mtu anagombana na mwanamke mwingine kisa mwanaume tofauti na mumewe. Ninaposema hafai kwenye jamii namaanisha kweli.
Matukio ambayo anakumbana nayo hususan hili la wizi wa simu, achukue kama changamoto na ajisahihishe pale alipojikwaa. Amwangukie mumewe pengine mambo yakamnyookea. Iwe kama ameiba yeye moja kwa moja au aliuziwa, ajisahihishe. 

Source:Global Publishers

IRENE UWOYA AAHIDI KUFICHUA SKENDO KUBWA NA MBAYA ZA ERICK SHIGONGO....

               Lile bifu linalondelea kati ya mwigizaji Irene Uwoya na mmiliki wa kampuni maarufu ya magazeti nchini Erick Shigongo limeshika sura  mpya baada ya mwigizaji huyo kuapa  kuzianika  hadharani  SKENDO  chafu  za  Erick  Shigongo  huku  akitangaza  wazi  kuwa  haogopi  kufa  wala  kumwagiwa  tindikali...

Kupitia ukurasa wake wa mtandao mmoja wa kijamii Irene alitundika  maneno  yafuatayo:

“…Ipo siku ntaongea ukweli kuhusu shigongo na ushaid pia ntatoa...usilo lijua nikama usiku wa giza, ndo maana atawadanganya wasio na akili na wasio mjua....

"Nitapigana nae mpaka tone la mwisho la damu yangu,  ntasema kila kitu kwanin ananichukia na ntaweka kila kitu wazi....Then, wenye akili watajua naongea nini...

"Simuogopi hatakama atanichafua kiasi gan.Hizo kwangu ni matone yamvua bado mvua yenyewe...I don care kwa atakae muamini, but mwisho wa siku ukweli utaonekana na atatamani  ardhi ipasuke......

 mimi Irene Uwoya sijashawishiwa na mtu wala kulazimishwa, naahidi ya kwamba ntaongea  maovu  yake  yote…”

-Kwa hisani yaa bongomovie.

ERICK SHIGONGO AMEAMUA KUNICHAFUA MAGAZETINI KWA KUWA NINA KESI NAYE MAHAKAMANI....IRENE UWOYA

 

                             Irene Uwoya amejibu mapigo ya kudaiwa kuiba simu aina ya iphone 5 toleo jipya la  mwaka  huu ambapo habari hiyo iliripotiwa jana  katika gazeti la Risasi na kutawala mitandao mingi  ya  kijamii. 

Katika  utetezi  wake  alioutoa  kupitia  ukurasa  wake  instagram, Irene  Uwoya amesema kuwa chanzo cha kuandikwa hivyo ni kuvunjwa nguvu katika harakati zake za kesi aliyomfungulia Shigongo

HII  NDO  KAULI  YAKE  :

 "Mi ni mti wenye matunda milele siogopi kupigwa mawe…
 
"Shigongo kaamua kunichafua coz nina kesi nae mahakamani…anadhani nitaiacha never yeye aponde anavyoweza ila mwisho wa siku sheria itafuata mkondo wake….

"Mi na yake mengi nayajua ila ngoja ninyamaze nisimwagiwe tindikali"

UWOYA AWEKWA CHINI YA ULINZI KWA KUIBA SIMU YA IPHONE-5

MSANII aliyewahi kutamba kisha kuporomoka kwa kasi katika tasnia ya filamu nchini Tanzania kwa sababu ya tabia zake chafu, Irene Uwoya, amefikishwa Kituo cha Polisi Msimbazi kwa wizi wa simu aina ya iPhone 5.

MAMBO yanaendelea kumwendea kombo mwigizaji huyo huku akiwa ameanza kuporomoka vibaya kwenye sanaa na kujikuta akiingia  matatani kwa tuhuma za aibu.

HABARI ZA KIPOLISI
Kwa mujibu wa habari za kipolisi, mmiliki wa simu hiyo  ni mwanamme aliyejulikana kwa jina la Mohammed Marjey, mkazi wa Dar.
Uwoya ambaye siku hizi anajitutumua kwa kuanzisha kipindi kwenye runinga moja ya Bongo baada ya kushindwa kwenye filamu, alidakwa na askari wa Kituo cha Polisi Msimbazi, Dar baada ya kusakwa usiku na mchana kwa kutumia kumbukumbu ya jalada la kesi namba MS/RB/8522/13 WIZI KUTOKA MAUNGONI.

Simu aina ya iPhone 5 kama inayodaiwa kuibiwa na Uwoya.

MMILIKI AMWANIKA UWOYA
Akizungumza na Risasi Jumamosi juzi, Mohammed alisema simu hiyo aliinunua mwaka huu kwenye Duka la Grande Center jijini New York, Marekani alikokwenda kwa shughuli zake.Akasema Agosti 22, mwaka huu alirejea Bongo akiwa na simu hiyo ambayo ni toleo jipya la mwaka huu.
“Nilirejea hapa nchini nikiwa na simu hiyo. Tena unajua simu yenyewe ni ya kisasa, toleo la mwaka huu,” alisema Mohammed.Alisema Agosti 23, mwaka huu, akiwa kwenye gari katika Makutano ya Barabara ya Uhuru na Mtaa wa Nyamwezi, Kariakoo, Dar aliibiwa simu hiyo na mtu asiyemtambua.

“Nilikwenda Polisi Msimbazi kuandikisha maelezo na kupewa RB hiyo. Lakini nilitumia njia ya kitaalam kufuatilia, nikagundua simu yangu inatumiwa na mtu anayeitwa Peter, nikampigia simu kumwambia lakini hakuweka wazi aliipataje?
Mohammed alisema baada ya dakika kumi, alipigiwa simu na Uwoya na kumchimba mkwara kuhusu simu hiyo huku akisema ni yake yeye, jambo ambalo lilimshangaza jamaa huyo.
“Nilirudi Msimbazi na kuwaambia ndipo polisi wakaanza kazi ya kumsaka ili wamkamate. Leo (Alhamisi) amekamatwa akiwa na hiyo simu yangu,” alisema.

Irene Uwoya.

UWOYA AULIZWA ALIKOIPATA SIMU HIYO
Inadaiwa kuwa polisi walimuuliza Uwoya alikoipata simu hiyo ambapo alisema alipewa na jamaa yake wa Afrika Kusini huku mlalamikaji huyo akitoa risiti ya kununulia.

AONDOLEWA POLISI KWA MLANGO WA NYUMA
Baada ya kumaliza kuhojiwa kituoni hapo, Uwoya alitolewa kinyemela kwa mlango wa nyuma ili mapaparazi waliopiga kambi nje ya kituo hicho wasimfotoe.

MABALAA YA UWOYA
Makabrasha ya wasanii wa Tanzania ndani ya ofisi za Global Publishers zinamuonesha Uwoya akiwa anaporomoka kisanii siku hadi siku huku mabalaa mbalimbali yakimuandama ikiwa ni pamoja na fiamu zake kukosa soko madukani.
Kwa mujibu wa waandaaji wa filamu za Bongo, siku hizi hawamtumii msanii huyo kwa sababu kiwango chake cha kuigiza kimepotea hali inayowalazimisha kuachana naye au kumchezesha nafasi ndogo.
“Uwoya wa siku hizi si yule, nadhani kitendo cha kuanchana na Ndikumana (mumewe Hamad) kimempa mkosi, hana mvuto tena kama zamani. Mtu akitaka kutoa fillamu yake hawezi kumuweka Uwoya kwenye kava la mbele, ni majanga!
“Amekuwa akijitutumua ili aigize kama zamani, lakini wapi! Hana mvuto tena. Ilifika mahali anaomba kuigiza ili alipwe hata shilingi laki moja tu,” alisema muandaa filamu mmoja.

KUNASWA NA DIAMOND HOTELINI KUMEMDIDIMIZA
Habari zaidi zinasema kuwa ile skendo yake ya kunaswa hotelini akiwa na staa wa Bongo Fleva, Nasibu Abdul ‘Diamond’ kulichangia kumtumbukiza kwenye Top Ten ya Wasanii Wasio na Mvuto Bongo.

WADAU WASEMA ANA ‘LAZI’ YA MUME
Wengi waliozungumza na Risasi Jumamosi siku chache baada ya kunaswa hotelini walisema hawana sababu tena ya kuwa mashabiki wa msanii huyo kwani aliachana na mumewe na kutumbukia kwenye uhusiano na vijana wadogo jambo walilosema ni kama ‘lazi’ ya mumewe Ndikumana.

“Jamani huyu Uwoya si afadhali angeendelea kuwa na mume wake (Ndikumana), kamwacha sasa anatembea na vijana wadogo, akina Diamond. Lo! Mimi siwezi kuwa shabiki wake tena,” alisema Mwanahawa Mwarami ‘Mama Sumna’, mkazi wa Kijitonyama, Dar es Salaam.

WENGINE WAMNANGA

Septemba 10, mwaka huu, maeneo ya Mwenge, Dar, staa mmoja wa filamu za Bongo alimnanga Uwoya kwa kitendo chake cha kutangaza kuwakarabatia watu nyumba zao huku yeye akiwa hana nyumba aliyojenga.
“Unajua yule demu (Uwoya, eti amekuwa demu na si mke wa mtu au mama Krish) namshangaa sana, eti ana kipindi runingani anasema anakarabati nyumba za watu wasio na uwezo, halafu yeye mwenyewe hana nyumba, si upuuzi huo jamani?” alihoji staa huyo wa kiume.
Aliendelea kusema kuwa, Uwoya alishabugi siku nyingi hivyo anachofanya sasa ni kuhangaika pa kushika akiamini anaweza kurudia enzi zile za Oprah bila kujua kuwa, ‘bahati haiji mara mbili.’

VIDEO YA IRENE UWOYA AKIWA MTAANI ANAREKEBISHA NYUMBA ZA WATU.

                      Ni habari njema zilizoeneza zaidi ya wiki tatu zilizopita kuhusu show mpya ya TV ambayo inaongozwa na mwigizaji Mtanzania Irene Uwoya.

Irene kupitia AMPLIFAYA ya Clouds FM alitangaza kuacha kuigiza movie na sasa atawekeza muda wake kwenye show ya TV ambayo imelenga kukarabati nyumba mbovu za Watanzania.

Utaratibu anaoutumia ni kupokea maombi ya Watanzania wanaohitaji nyumba zao kukarabatiwa alafu Irene na timu yake ndio wanachagua nyumba ya kuikarabati, huduma ambayo wanaitoa bure….

Hii video hapa chini ni sehemu ya mfululizo wa show ya Irene Uwoya ambayo inaonekana @Clouds_TV peke yake.

                     TAZAMA VIDEO YA KIPINDI CHAKE HAPO CHINI ......